Ég veit ekki með aðra, en ég vil ekki borgar fyrir að sjá auglýsingar, eru auglýsingar ekki lýsingar á vöru sem verið er að reyna að fá þig til að kaupa? af hverju átt þú þá að borga fyrir vöruna og auglýsinguna tvisvar í það minnsta?

það er í raun verið að margselja þér sömu auglýsinguna, jú sjáið til, kaupmaður ákveður að setja einhverja vöru á markað hún kostar einhverjar x krónur + tollar + vörugjald+ álagning heildsala + smásöluálagning + auglýsingakostnaður, þetta er ca. það sem þú ert að borga fyrir í búðinni, ok þá ertu búin að borga auglýsinguna 1 sinni, svo eru flest okkar með áskrift að stöð2 þar ert þú að kaupa ákveðna vöru, þú ert ekki að kaupa auglýsingar er það, nei hélt ekki, svo dirfast þessir helvítis þrjótar að slíta í sundur þætti og bíómyndir með auglýsingum, eins og gjaldfrjálsar sjónvarpstöðvar gera, er þetta hægt??? ....nei ég bara spyr............þeir ættu að skammast sín.

   Er ekki heldur viss hvort mér líki snjór, hvað þá fannfergi eins og verið hefur núna undafarna daga. NEI mér líkar ekki vetur, gæti vel hugsað mér að hafa árstíðirnar bara þrjár VOR, SUMAR og HAUST,  það má eiginlega segja að svo hafi verið undanfarin 4-6 ár. Þó það snjói kannski einn eða tvo daga og frjósi nokkra daga í röð, það er bara kalt haust........

   Út um gluggann minn horfi ég á skaflana ummyndast úr föstu í fljótandi form, þeir eiginlega renna út í sandinn..........hummm !! (sandinn!! múslímatrú varð til í sandauðn  og hrjóstrugu landi,ha!....ha!.. hvern fjárann eru þeir þá að vilja hér...ha!.... hingað upp á norður hjara......ha..óánægðir með allt í okkar fari..ha... af hverju við höfum hlutina ekki eins og heima hjá þeim.... ha!...  ég held að múslímar og aðrir innflytjendur ættu að vera heima hjá sér ...ha!.... ekki þola þeir  kuldann hérna á okkar ilhýra landi..... ha!...........En ég tek ofan fyrir þeim innflytjendum sem koma hingað, læra málið okkar og aðlagast íslensku þjóðfélagi, hins vegar þoli ég ekki  innflytjendur sem koma hingað og vilja ekki aðlagast menningu okkar og þjóð, hvað þá að læra málið, nei fari það pakk og veri ha!............) NEI ég þoli ekki vetur!!! 

Glerið í glugganum mínum er farið að svigna, og myndir náttúrunnar teygjast og skælast.

 Það er að bæta í vindinn núna, hvað ætli glugginn sýni mér á morgun?

Einhvern tíma seint á síðasta ári  ákvað ég að opna svona bloggsíðu eins og allir eru með nú til dags, ekki gat ég verið minni maður en "allir", en hvað svo? Hvað á ég að skrifa? það er svo sem ekkert  merkilegt sem gerist í mínu lífi, allavega ekki til að hægt sé að halda úti vefdagbók.

En eins og sést. hefur ekki verið skrifaður svo mikið sem einn stafur frá því að aðgangurinn var búinn til. Það voru alltaf þessar pælingar "hvað ætli öðrum finnist um það" (endalaust þessi andsko ..... minnimáttarkennd ) Þetta er bara alls ekki spurningin um hvað öðrum finnst, þeir geta svo sem sagt sína skoðun ef þeim sýnist svo. 

Eftir töluverðar vangaveltur, er niðurstaðan sú, að fyrsta færsla mín er um það, sem ég sé út um gluggann minn, eða öllu heldur út um gluggann á skrifstofukompunni sem ég hef til umráða á vinnustað mínum.

Núna er veðrið þannig að hrein unun er að sitja við gluggann og dást að fjölbreytileika náttúrunnar, glampandi sól á milli hryðja, í fjarska sést í Hrafnabjörg, Ármannsfell og Skjaldbreið, aðeins austar sést glitta í Laugarvatnsfjöllin, nær ísilagt Þingvallavatnið,  og aftan við Sandey aðeins vestar eru snæviþaktar Botnsúlur. Nær liggur Nesjahraunið í vetrarskrúða, yfir hrauninu hanga svo háspennulínurnar frá Sogsvirkjunum.Ennþá nær sjást gamlar verktakavinnubúðir sem eru reknar sem hótel, Nesjavallabærinn vestan við, það glittir í girðingar upp úr fönninni víðast hvar. Gufa stendur upp af læknum sem liggur með hlíðum dalsins að austanverðu, hrafnaparið í dalnum að krúnkast á uppí næsta ljósastaur, rjúpur og snjótittlingar sitja og narta í greinar runnana sem skýlir þeim fyrir árásum fálka og smyrla, einhverjar vikur eru síðan Branduglan hefur komið, ef hún er enn lifandi kemur hún væntanlega fljótlega, sama er að segja um refinn, hann sést lítið, en sporin í snjónum eftir hann eru víða.

Núna snjóar, hann spáir því áfram næstu daga, hér hefur ekki verið vélsleðafæri í ein sex ár, þannig að kærkomin mjöllin gleður margan "strákinn" þessa dagana, kannski mig líka, allavega kitlar það peyjann í mér að sjá vélsleða þeysast um allar hlíðar og dali hér allt um kring.

Hvað ætli glugginn minn sýni mér á morgun?